ენიდ ბლაიტონი მსოფლიოში ერთ-ერთი ყველაზე პოპულარული საბავშვო მწერალია, რომელმაც სათავგადასავლო სერიებით გაითქვა სახელი.„ცნობილი ხუთეული“ პირველად 1942 წელს გამოჩნდა წიგნის მაღაზიებში, თუმცა ქართულ ენაზე სულ ახლახანს ითარგმნა.
ენიდ ბლაიტონი 1897 წელს ლონდონში დაიბადა და ბაკინგემშირში ცხოვრობდა, უყვარდა ძაღლები, მებაღეობა და ქალაქგარეთ სეირნობა. ბევრი რამ იცოდა მცენარეების, ფრინველებისა და ცხოველების შესახებ. განსაკუთრებით მოსწონდა დორსეტი – მხარე, სადაც ცნობილი ხუთეულის თავგადასავლები ხდება.
ჯულიენი, დიკი, ენი, ჯორჯი და მათი ერთგული მეგობარი ძაღლი სკოლის არდადეგებს სულ ერთად ატარებენ და ყოველ ჯერზე საოცარ თავგადასავლებში ეხვევიან – უშიშრად ერთვებიან ჩახლართულ საგამოძიებო ამბებში და, თავიანთი გამჭრიახობის წყალობით, არაერთ საიდუმლოს ახდიან ფარდას. სერია განკუთვნილია 8-12 წლის ბავშვებისათვის.